धेरै सेयरधनी भएको र एकै व्यवसायिक घरानाको दबदबा नभएका आठ बैंकहरु मध्ये प्राइम बैंकले तेस्रो त्रैमासमा सबै भन्दा बढी खुद मुनाफा आर्जन गरेको छ। चालू आर्थिक बर्षको नौं महिनामा प्राइम बैंकले २ अर्ब ८६ करोड खुद मुनाफा आर्जन गर्दा उसँग प्रतिस्पर्धी देखिएको सिद्दार्थ बैंक २ अर्ब ६ करोड खुद मुनाफा सहित दोस्रो स्थानमा देखिएको छ भने मेगा बैंक १ अर्ब ९७ करोड खुद मुनाफा सहित तेश्रो स्थानमा देखिएको छ।
त्यस्तै १ अर्ब ४० करोड सहित वितरणयोग्य मुनाफामा सानिमा बैंक यी आठ वटा बैंकहरुमा पहिलो स्थानमा देखिएको छ। सिटिजन्स इन्टननेशनल १ अर्ब ३४ करोड वितरणयोग्य मुनाफा सहित दोस्रो स्थानमा छ भने मेगा बैंक १ अर्ब २९ करोड सहित तेस्रो स्थानमा रहेको छ।
त्यस्तै प्रतिसेयर आम्दानीमा समेत यी आठवटा बैकहरुमा सानिमा बैंक पहिलो स्थानमा छ भने मेगा बैंक दोस्रो स्थानमा छ। त्यस्तै जगेडा कोषको हिसाबले यी ८ वटा बैंकमा सिद्दार्थ बैंक सबैभन्दा बलियो देखिएको छ। यस अवधिमा सिद्दार्थ बैंकको जगेडा कोषमा ८ अर्ब ९७ करोड रहेको छ।
त्यस्तै व्यवसाय विस्तार अर्थात निक्षेप संकलन तथा कर्जा लगानीमा यी ८ वटा बाणिज्य बैंकमा सिद्दार्थ बैंक पहिलो स्थानमा रहेको छ। सिद्दार्थले चालु आर्थिक बर्षको ९ महिनामा १ अर्ब ७२ करोड निक्षेप संकलन गरि १ अर्ब ५३ करोड कर्जा प्रवाह गरेको छ। त्यस्तै सिद्दार्थ बैंकपछि निक्षेप संकलन र कर्जा लगानीमा दोस्रो र तेश्रो स्थानमा क्रमश: प्राइम र मेगा बैंक रहेका छन्।
त्यस्तै विदेशी लगानी भएका ३ बाणिज्य बैंकहरुमा निक्षेप संकलन तथा कर्जा प्रवाहमा एभरेष्ट बैंक अगाडी रहेको भने खुद मुनाफा तथा वितरणयोग्य मुनाफामा समेत एभरेष्ट बैंकनै अगाडी रहेको छ।
