निषेधाज्ञाको अवधिमा वाणिज्य बैंकको शाखाहरु ४ घण्टा मात्र खुल्ने भएको छ । नेपाल राष्ट्र बैंक र नेपाल बैंकर्स संघ बीच आज भएको छलफलले बिहान १० बजेदेखि दिउँसो २ बजेसम्म मात्र शाखाहरु खोल्ने निर्णय गरेको हो ।
हालको लागि बैंकका सबै शाखा र सबै एटिएम खुल्ने भएका छन् । केहि दिनपछि संक्रमणको अवस्था र ग्राहकको भिँडलाई हेरेर समय र संख्यामा आवश्यकता अनुसार थपघट हुने भएको छ।
बैंकर्स संघले सकेसम्म अनलाइन कारोबार गर्नको लागि आग्रह गरेको छ ।
