चलु आर्थिक वर्षको नौ महिनामा कुल आन्तरिक कर्जा बढेको छ । नेपाल राष्ट्र बैंकले प्रस्तुत गरेको तथ्याङ्कले यस्तो वृद्धि देखाएको.हो ।
आर्थिक वर्ष २०७७÷७८ को नौ महिनामा कुल आन्तरिक कर्जा १६.४ प्रतिशतले बढेको छ । अघिल्लो वर्षको सोही अवधिमा उक्त कर्जा ९.१ प्रतिशतले बढेको थियो भने वार्षिक बिन्दुगत आधारमा चैत मसान्तमा यस्तो कर्जा २१.१ प्रतिशतले बढेको छ ।
समीक्षा अवधिमा मौद्रिक क्षेत्रको निजी क्षेत्रमाथिको दावी २१.८ प्रतिशतले बढेको छ । अघिल्लो वर्षको सोही अवधिमा यस्तो दावी १२.७ प्रतिशतले बढेको थियो । साथै वार्षिक बिन्दुगत आधारमा चैत मसान्तमा मौद्रिक क्षेत्रको निजी क्षेत्रमाथिको दावी २१.७ प्रतिशतले बढेको हो ।