नेपाल राष्ट्र बैंकले बैंकको कर्मचारी उपदान तथा पेन्सन कोषमा रहेको रकम मुद्दती खातामा लगानी गर्नुपर्ने भएको भन्दै इजाजत प्राप्त बैंक तथा वित्तिय संस्थालाई प्रस्ताव पेश गर्न आह्वान गरेको छ । राष्ट्र बैंकले विभिन्न शर्तहरु जारी गर्दै उक्त शर्तहरु पुरा गरेका र तोकिएको सीमा भित्र रहने गरि ‘क’,‘ख’ र ‘ग’ वर्गका बैंक तथा वित्तिय संस्थाहरुलाई प्रश्ताव पेश गर्न आह्वान गरेको हो ।
बैंकले कोषमा रहेको १ अर्ब ७८ करोड रुपैयाँ लगानी गर्न लागेको हो । जस अनुसार ‘क’ वर्गका वाणिज्य बैंकमा १ अर्ब ४२ करोड ४० लाख, 'ख’ वर्गका राष्ट्रिय स्तरका विकास बैंकमा २६ करोड ७० लाख र ‘ग’ वर्गका राष्ट्रिय स्तरका वित्त कम्पनीमा ८ करोड ९० लाख लगानी गर्न लागेको हो । यो रकम ०७८ असार १ देखि ०७९ असार १ सम्म मुद्दति निक्षेपमा लगानी गर्न लागेको हो । राष्ट्र बैंकले ७८ जेठ २५ गते ५ बजे ब्याजदर प्रश्ताव गर्न अनुरोध गरेको छ ।