एनएमबि बैंक NMB Bank Limited ले निक्षेपमा सबै भन्दा बढी ब्याज प्रदान गरिरहेको बैंकले जनाएको छ । बैंकले ग्राहकहरुलाई बचत खातामा ५.६० प्रतिशतसम्म वार्षिक ब्याजदर र मुद्दतीमा ८.३० प्रतिशतसम्म वार्षिक ब्याज प्रदान गर्ने उल्लेख गरेको हो ।
बैंककाअनुसार बैंकले निक्षेपमा दिएको ब्याज वाणिज्य बैंकहरुले प्रदान गरिरहेको मध्येकै सर्वाधिक ब्यााज हो ।
‘हाल मुख्यतया बैंकहरुले कर्जा सापटीमा केन्द्रित रहेकोे देखिएता पनि एनएमबिले भने स–साना निक्षेपकर्ताहरुलाई मर्का नपरोस भन्ने उद्घेश्यले बचतमा अधिकतम ब्याजको योजना अघि सारेको हो’ बैंकद्वारा जारी विज्ञप्तिमा उल्लेख छ ।
एनएमबि बैंकले हाल देशभरी १८१ शाखा, १३७ एटीएमहरू, ९ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेका बैंकले जनाएको छ ।