मनाङका बाढी प्रभावितलाई एनएमबि बैंक NMB Bank Limited ले स्वास्थ्य सामग्री वितरण गरेको छ । बैंकले बाढी प्रभावितलाई मिनरल वाटर, स्यानिटाईजर र मास्क वितरण गरेको हो । एनएमबि बैंकको मनाङ शाखाका शाखा प्रमुख लभ गुरुङको संयोजकत्वमा सामग्रीहरु वितरण गरिएको बैंकले जनाएको छ।
बैंकले ति सामग्री वितरण गर्न हेलिकप्टर चार्टर गरेको थियो । फर्कने क्रममा हेलिकप्टरले तीन जना नावालक सहित ५ जनालाई उपचारका लागी काठमाडौं पठाएको बैंकले जनाएको छ। वर्ष ६५ का बुद्घराम गुरुङ्ग, वर्ष ९ का जोह्न गुरुङ्ग, वर्ष ७ की आरध्या गुरुङ्ग, वर्ष ८ की जेनिप गुरुङ्ग र वर्ष २७ की लक्ष्मी गुरुङ्गलाई काठमाडौँ पठाईएको बैंकले जनाएको छ ।
विगत केही दिन यता लगातारको भारी वर्षा पछिको पहिरोले मनाङका अधिकांश नदिहरु थुनिएका छन् । जसले गर्दा उक्त स्थानका सयौ मानिसहरु घरवार विहीन भएका छन्। हाल चामे बजार जोखिममा रहेको हुनाले लगभग ९०० घरधुरीहरु आफ्नो बसोवास स्थान छाडेर सुरक्षित स्थानमा बसिरहेका छन् । बाढीले सडक, पुल लगायतका सार्वजनिक संरचनाहरुमा पनि निकै क्षति पु¥याएको छ ।