सिभिल बैंक Civil Bank Limited का प्रमुख कार्यकारी अधिकृत (सीईओ) सुनिलकुमार पोखरेलले कार्यभार सम्हालेका छन् । जेठ २८ गते बसेको बैंकको ३४५ औँ सञ्चालक समितिको बैठकले आगामी चार वर्षका लागि पोखरेललाई सीईओमा नियुक्त गरेको थियो ।
बैंकका तत्कालीन सिइओ गोविन्द गुरुङले वैशाख १८ गते राजीनामा दिएपछि हालसम्म सीइओ विहीन भएको बैंकमा नयाँ सीईओका रुपमा पोखरेलले कार्यभार सम्हालेका हुन् ।
सन् १९९१ मा बैंकिङ सेवामा प्रवेश गरेका पोखरेलसँग एनआइसी एसिया, नबिल, स्टाण्डर्ड चार्टर्ड बैंक हुँदै म्यानमारको एशियन ग्रिन डेभलपमेन्ट बैंकमा काम गरेको अनुभव छ । उनलाई धेरैले विदेशी बैंकिङसम्बन्धी राम्रो ज्ञान तथा अनुभव भएको बैंकरका रूपमा चिनिन्छ । उनले विदेशी बैंकमा तीन वर्ष काम गरेका थिए ।
