.gif)
नेपाल राष्ट्र बैंकले शुक्रबार मौद्रिक नीति सार्वजनिक गर्ने भएको छ। राष्ट्र बैंकले शुक्रबार अपरान्ह चालु आर्थिक वर्ष ७८/७९ को मौद्रिक नीति सार्वजनिक गर्ने तयारी गरेको हो।
राष्ट्र बैंकका प्रवक्ता देवकुमार ढकालले भोलि शुक्रबार मौद्रिक नीति आउने पुष्टि गरेका छन्।मौद्रिक नीतिलाई राष्ट्र बैंकको ब्यबस्थापन समितिले फाइनल गरिसकेको बताईएको छ ।
शुक्रबार बिहान राष्ट्र बैंकको संचालक समितिको बैठक बस्ने र संचालक समितिको बैठकले पारित गरेपछि अपरान्ह मौद्रिक नीति सार्वजनिक गर्ने तयारी राष्ट्र बैंकले गरेको हो ।
सरकार परिवर्तन भएको र नयाँ सरकारको प्राथमिकता परिवर्तन हुने भएकोले मौद्रिक नीति सार्वजनिक गर्न ढिलाई भएको थियो । तर सरकारले न्युनतम साझा कार्यक्रम सार्वजनिक गरिसकेकोले राष्ट्र बैंकले सोहि अनुसार मौद्रिक नीति सार्वजनिक गर्ने तयारी गरेको हो ।
मौद्रिक नीति आउँन ढिलाई हुने भएकोले राष्ट्र बैंकले यस अघि नै बैंक तथा वित्तीय संस्थालाई वित्तीय विवरण सार्वजनिक गर्न र साधारणसभा गर्नको लागि सर्कुलर मार्फत बाटो खुला गरिदिईसकेको छ ।
आगामी मौद्रिक नीति व्यवसायीलाई र अन्य कोरोना प्रभावितलाई राहत गरि ल्याउने राष्ट्र बैंकको तयारी छ। प्रतिनिधिसभा अन्तर्गतको अर्थ समितिले पुँजीबजारको विकास र स्थायित्वमा प्रतिकूल प्रभाव नपर्ने गरी मौद्रिक नीति ल्याउन नेपाल राष्ट्र बैंकलाई निर्देशन दिएको छ।
