सेञ्चुरी कमर्सियल बैंक Century Commercial Bank Limited ले नयाँ बचत खाता ‘सेञ्चुरी रेमिट प्रिमीयम अकाउण्ट’ को शुभारम्भ गरेको छ ।
१ हजार न्यूनतम मौज्दात भएको उक्त खातामा वार्षिक ५.५ प्रतिशतको दरले त्रैमासिक रुपमा ब्याज भुतmानी गरिने बैंकले जनाएको छ । यस खातामा अन्य बचत खातामा भन्दा १ प्रतिशत बढी ब्याज भुतmानीका साथै इन्टरनेट बैंकिङ्ग र मोबाइल बैंकिङ्ग पनि निस्शुल्क उपलब्ध गराईने छ । उक्त खातामा लकर सेवा, एटिएम र अन्य सुबिधाहरुको व्यवस्था गरिएको छ ।
रेमिट्यान्सबाट आएको रकमलाई सुरक्षित राख्न र उच्च ब्याजदर प्राप्त गर्न इच्छुक ग्राहकले आफुलाई सहज हुने सेञ्चुरी बैंकको शाखामा गई नयाँ बचत खाता ‘सेञ्चुरी रेमिट प्रिमीयम अकाउण्ट’ खोल्न सक्ने छन् । उक्त खाता खोल्नको लागि कुनै पनि रेमिट्यान्सबाट प्राप्त रसिद भने बैंकलाई अनिवार्य उपलब्ध गराउनुपर्नेछ ।
बैंकले काठमाडौं उपत्यकामा २३ शाखाहरु र ७ वटा एक्स्टेन्सन काउन्टर र उपत्यका बाहिर १०३ शाखाहरु र ३ वटा एक्स्टेन्सन काउन्टर साथै १८ वटा शाखारहित बैंकिङ्ग मार्फत सेवा दिँदै आएको छ ।
