नेपाल एभरेष्ट बैंक Everest Bank Limited मा नियुक्त भएका प्रमुख कार्यकारी अधिकृत सुदेश खालिङले असोज ८ गते शुक्रबारबाट कार्यभार सम्हाल्ने भएका छन् । कार्यभार सम्हालेसंगै उनी बैंकको प्रमुख कार्यकारी अधिकृतको कार्यभार सम्हाल्ने पहिलो नेपाली नागरिक हुने छन् ।
बैंकमा स्थापनाकालदेखि नै भारतीय नागरिक सीइओ हुदै आएका थिए। बैंकमा भारतको पन्जाब नेशनल बैंकको २० प्रतिशत लगानी छ । सोहि कारण पन्जाब नेशनल बैंकले नै एभरेस्ट बैंकमा अध्यक्ष पठाउदै आएको थियो ।
यस अघि बैंकमा गजेन्द्रकुमार नेगी सीइओ थिए । ४ वर्षको लागि सीइओ भएका उनलाई १७ महिनामै हटाईएको हो । त्यसपछि डा. सान्धर कुमारले कायम मुकायम सीइओको जिम्मेवारि सम्हालिरहेका छन् ।
सीइओ खालिङ यस अघि सिटिजन्स बैंकमा संचालक थिए । उनले संचालक पदबाट राजिनामा दिईसकेका छन् । त्यसअघि उनी लक्ष्मी बैंकको सीइओ थिए । गत चैत्र मै उनी एभरेष्ट बैंकको सीईओ नियुक्त भएको पनि ६ महिनापछि बल्ल कार्यभार सम्हाल्न लागेका हुन् ।
