सानिमा बैंक Sanima Bank Limited ले ३ वटा नयाँ शाखा सञ्चालनमा ल्याएको छ । बिहिबार कपिलवस्तुको जीतपुरमा र शुक्रबार काठमाडौंको मध्यबानेश्वर र भक्तपुरको बोडेमा बैंकले शाखा सञ्चालनमा ल्याएको हो ।
जीतपुर शाखाको उद्घाटन प्रदेश सभा सांसद विष्णु पन्थी, वाणगंगा नगरपालिकाका मेयर पंकज थारु र बैंकका प्रमुख कार्यकारी अधिकृत भुवन कुमार दहालले गरे ।
मध्यबानेश्वर कार्यालयको उद्घाटन काठमाडौं महानगरपालिका वडा नं १० का अध्यक्ष राम कुमार के.सी र बैंकका नायब प्रमुख कार्यकारी अधिकृत तेज बहादुर चन्दले संयुक्त रुपमा गरे भने बोडे कार्यालयको उद्घाटन बैंकका नायब प्रमुख कार्यकारी अधिकृत निश्चल राज पाण्डेले गरे ।
सानिमा बंैकले हाल ११२ शाखा कार्यालय र ९७ वटा ए.टि.एम. मार्फत सेवा दिँदै आएको छ ।
