मोरङमा लुटेरा समूहले सिटिजन्स बैंकको शाखामा लुट्ने प्रयास गरेका छन् ।
सोमबार दिउँसो धनपालथान गाउँपालिका कर्सियास्थित सिटिजन्स बैंकको शाखामा लुटेर समूहले लुट्न खोजेकका हुन् ।
प्रदेश नम्बर १ प्रहरी कार्यालयका अनुसार लुट्न आएका व्यक्तिहरूले बैंकका सुरक्षा गार्डमाथि गोली चलाएका छन् । गोली लागेर उनी घाइते भएका छन् ।
उनको विराटनगरमा उपचार सुरु भएको छ ।
प्रहरीले घटनामा संलग्न केहीलाई नियन्त्रणमा लिईएको जनाएको छ । संलग्नहरु अन्यको खोजी भइरहेको बताईएको छ । पक्राउ परेका व्यक्तिहरू भारतीय नागरिक हुन् ।