नेपाल बैंक Nepal Bank Limited को संचालकमा रितेश कुमार शाक्य नियुक्त भएका छन् । नेपाल सरकार, अर्थ मन्त्रालयको तर्फबाट अर्थ मन्त्रालयका सहसचिव शाक्य संचालकको रुपमा नियुक्त भई आएका हुन् ।
नव नियुक्त सञ्चालक शाक्यले बिहिबार सञ्चालक समितिका अध्यक्ष सुमनराज अर्यालबाट सञ्चालक पदको पद तथा गोपनियताको शपथ ग्रहण गरेका छन् । कार्यक्रममा अध्यक्ष अर्यालले नव नियुक्त सञ्चालकलाई सञ्चालक समितिमा स्वागत गर्दै सञ्चालक समितिमा रहेर बैंकको नीति निर्माण र व्यावसायिक विकासमा सञ्चालक सदस्य शाक्यको महत्वपूर्ण योगदान रहने विश्वास व्यक्त गरेका छन् ।
नवनियुक्त सञ्चालक शाक्यले बैंकको सञ्चालकको जिम्मेवारीका लागि नेपाल सरकारलाई धन्यवाद ज्ञापन गर्दै आफूले बैंकको हितमा सक्दो योगदान गर्ने प्रतिवद्धता व्यक्त गरेका छन् ।
