एनएमबि बैंक NMB Bank Limited को ब्राण्ड एम्बास्डरमा अभिनेता पल शाह नियुक्त भएका छन् । बैंकले उनलाई आज एक कार्यक्रम आयोजना गरेर ब्राण्ड एम्बास्डरमा नियुक्त गरेको हो ।
शाह म्युजिक भिडियो हुँदै नेपाली सिनेमा जगतमा पछिल्लो समय प्रशंसा बटुलिरहेका नायक हुन् । बैंकले शाहसँगको सहकार्यले बैंकको प्रवर्द्धन गर्न थप सहयोग पुग्ने विश्वास लिएको छ ।
एनएमबी बैंकको ब्राण्ड एम्बेसडर भएर सहकार्य गर्न पाउँदा आफूलाई खुशी लागेको र बैंकको प्रगतिमा आफूले पनि भूमिका निर्वाह गर्ने अभिनेता शाहले बताए ।
एनएमबी बैंकले हाल १८१ शाखा, १२७ एटिएमहरु र ९ एक्सटेन्सन काउन्टरमार्फत सेवा दिँदै आएको छ ।