नबिल बैंकले नेपाल बंगलादेश बैंकलाई प्राप्ति गर्ने निर्णय गरेको छ । बैंकको आज बसेको संचालक समितिको बैठकले नेपाल बंगलादेश बैंकलाई प्राप्ति गर्ने निर्णय गरेको हो ।
नेपाल बंगलादेश बैंकको संचालक समितिको बैठकले पनि नबिल बैंकसँग मर्जमा जाने निर्णय गरेको छ । दुवै बैंकको संचालक समितिको बैठकले मर्जर तथा प्राप्तिमा जाने निर्णय गरेसंगै आज नै २ बैंकबीच मर्जर तथा प्राप्तिको लागि सम्झौता गर्ने बताईएको छ ।
नबिल बैंकले १००:४३ को स्वापमा नेपाल बंगलादेश बैंकलाई गाभ्ने भएको हो । अर्थात् नेपाल बंगलादेश बैंकको १०० कित्ता शेयर हुनेले मर्जर पश्चात नबिल बैंकको ४३ कित्ता शेयर पाउने छन् । यद्यपि यो प्रारम्भिक स्वाप रेसियो र अन्तिम स्वाप रेसियो डिडिए प्रतिवेदन अनुसार हुने छ । मर्जरपछि बैंकको नाम भने नबिल बैंक नै रहने छ ।
नबिल बैंकले यस अघि युनाइटेड फाइनान्सलाई गाभेको थियो ।