गत साता वाणिज्य बैंकहरुको निक्षेप स्थित रहेको छ । नेपाल बैंकर्स एसोसिएसनका अनुसार माघ २१ गते वाणिज्य बैंकहरुको कुल निक्षेप ४३ खर्ब ११ अर्ब रहेकोमा माघ २९ गतेसम्म आईपुग्दा पनि बैंकहरुको निक्षेप ४३ खर्ब ११ अर्ब नै कायम छ । यद्यपि अवधिमा नेपाल मुद्राको निक्षेप २ अर्ब बढेको छ भने विदेशी मुद्राको निक्षेप २ अर्ब घटेको छ ।
त्यस्तै यस अवधिमा ६ अर्ब कर्जा प्रवाह भएको छ । माघ २१ गते वाणिज्य बैंकहरुको कुल कर्जा प्रवाह ४१ खर्ब ४९ अर्ब रहेकोमा माघ २९ गतेसम्म आईपुग्दा बैंकहरुको कर्जा प्रवाह ६ अर्बले बढेर ४१ खर्ब ५५ अर्ब पुगेको छ ।
वाणिज्य बैंकहरुले फागुनको लागि ब्याजदर बढाएका छन् । २ महिनासम्म ब्याजदर स्थित राखेका बैंकहरुले फागुनको लागि भने ब्याज बढाएका छन् । बैंकहरुले मुद्दतीमा अधिकतम ११.०३ प्रतिशत ब्याज दिएका छन् ।
बाणिज्य बैंकहरुले ब्याज बढाएपछि विकास बैंक र फाइनान्सहरुले पनि फागुनको लागि ब्याज बढाएका छन्।