नेपाल राष्ट्र बैंकका गर्भनर महाप्रसाद अधिकारीले नेशनल बैंकिङ्ग इन्ष्टिच्यूटमा संचालन भईरहेको नेपाल राष्ट्र बैंकका नव प्रवेशी सहायक निर्देशकहरुको पूर्वसेवाकालीन तालिमको उद्घाटन गरेका छन् । उक्त कार्यक्रममा गर्भनर अधिकारीले राष्ट्र बैंकको काम कारवाही तथा उद्देश्यहरु माथि प्रकाश पार्दै प्रशिक्षार्थीहरुलाई काममा समर्पित भएर लाग्न प्रेरणा दिएका छन्।
राष्ट्र बैंकको भूमिका देशको अर्थतन्त्रमा गहन भएको कुरा जनाउदै सम्पूर्ण प्रशिक्षाथीहरुलाई इमान्दार एवम लगनशिल भएर काम गर्न सुझाव दिए। सूचना नै शक्ति भएको बताउदै आफुलाई निरन्तर अद्यावधिक वनाउनु पर्ने आवश्यकता रहेको बताए।
प्रशिक्षण कार्यक्रम चैत १० गते देखी २२ गते सम्म सञ्चालन हुने छ । कार्यक्रममा नेपाल राष्ट्र बैंकका कार्यकारी निर्देशक तथा नेशनल बैंकिङ्ग इन्ष्टिच्यूटका पूर्व संन्चालक तुलसी प्रसाद घिमिरेले स्वागत मन्तव्य दिएका थिए यो । यसैगरि नेशनल बैंकिङ्ग इन्ष्टिच्यूटको तर्फबाट प्रमुख कार्यकारी अधिकृत कुमार लम्सालले पनि मन्तव्य राख्दै अध्ययन लाई निरन्तरता दिनुपर्ने आवश्यकता रहेको बताएका थिए।
