नबिल बैंकको संचालक समितिमा हेरफेर भएको छ । बैंकमा संस्थापक शेयरधनीबाट प्रतिनिधित्व गर्ने संचालक हेरफेर भएको हो ।
बैंकका संचालक उदय कृष्ण उपाध्याय (प्रतिनिधी: संस्थापक शेयरधनी) ले दिएको राजिनामा बैंकको साउन १३ गते बसेको संचालक समितिको बैठकले स्वीकृत गरेको हो । सोहि बैठकले बैंकको संस्थापक शेयरधनी आई.एफ.आई.सी. बैंक लिमिटेडको तर्फबाट ए.आर.एम. नजमुस शकिबज्यूलाई आगामी साधारणसभासम्मको लागि सञ्चालक नियुक्त गर्ने निर्णय छ ।
बैंकको संस्थापक शेयरधनी एन.बी. (ईण्टरनेशनल) लि. को तर्फबाट बैंकको सञ्चालक समितिमा प्रतिनिधित्व गर्दै आएका सञ्चालकहरू मलय मुखर्जी र निर्वाण कुमार चौधरीको पदावधी क्रमश: २०७९/४/३१ र २०७९/८/५ सम्म मात्र बहाल रहेको हुँदा बैंकले उनीहरुको कार्यकाल थप गरेको छ ।
बैंकको साउन १३ गते बसेको संचालक समितिको बैठकले मलय मुखर्जी र निर्वाण कुमार चौधरीलाई क्रमश: २०७९/५/१ र २०७९/८/६ गते देखि लागुहुने गरी आगामी साधारणसभासम्मको लागि सञ्चालक नियुक्त गर्ने निर्णय गरेको हो ।
