आज पुस १७ गतेबाट नेपालमा वाणिज्य बैंकको संख्या २५ कायम भएको छ । कुमारी बैंक र नेपाल क्रेडिट एण्ड कमर्स बैंक (एनसीसी) एक आपस मर्ज भई आज पुस १७ गतेबाट एकिकृत कारोबार सुरु गरेसँगै वाणिज्य बैंकको संख्या २५ कायम भएको हो।
कुमारी र एनसीसी मर्जरपछि कुमारी बैंक लिमिटेडको नामबाट एकिकृत कारोबार सुरु भएको हो । दुवै बैंकको मङ्सिर २५ गते सम्पन्न विशेष साधारणसभाले मर्जर प्रस्ताव पारित गरेको थियो । राष्ट्र बैंकले यी दुई बैंकलाई पुस ६ गते मर्जरको लागि अन्तिम स्वीकृति प्रदान गरेको थियो । कम्पनी रजिष्ट्रारको कार्यालयल पुस ८ गते एनसीसी बैंकको सम्पूर्ण सम्पत्ति, दायित्व तथा अन्य सम्भावित दायित्वहरु कुमारी बैंकले ब्यहोर्ने गरी मर्जरको लागि अन्तिम स्वीकृति दिएको थियो ।
सोहि अनुसार आज पुस १७ गते आइतबारदेखि कुमारी बैंकको नामबाट एकिकृत कारोबार सुरु भएको हो । मर्जर पश्चात बैंकको केन्द्रीय कार्यालय हाल कुमारी बैंकको केन्द्रीय कार्यालय रहेको स्थान टंगालमा रहने छ । यी दुई बैंक १:१ को स्वापमा मर्ज भएका हुन् ।