लक्ष्मी बैंकसँग मर्ज हुन लागेको सनराइज बैंकले मर्जर साधारणसभा बोलाएको छ । साधारणसभा गर्न बाँकी रहेकाले सनराइज बैंकले नियमित साधारणसभाबाटै मर्जर प्रस्ताव पारित गर्न लागेको हो ।
बैंकले असार ३ गतेका लागि साधारणसभा आह्वान गरेको छ ।
लक्ष्मी बैंकले भने नियमित साधारणसभा गरिसकेकाले मर्जर प्रस्ताव पारित गर्न विशेष साधारणसभा बोलाउनुपर्ने हुन्छ ।
लक्ष्मी र सनराइज बैंक बराबरी हैसियतमा गाभिने छन् ।
दुबै बैंकको सञ्चालक समितिले सोमबार मर्जको अन्तिम समझदारी पत्रमा हस्ताक्षर गरिसकेका छन् ।
