एनआईसी एशिया बैंकले ल्यायो 'क्युआर मर्चेन्ट एक्टिभेसन' योजना

बिजपाटी संवाददाता

बिजपाटी संवाददाता

Jun 12, 2023 | 06:40:38 PM मा प्रकाशित

laxmi  sunrise bank

 एनआईसी एशिया बैंकले 'क्युआर मर्चेन्ट एक्टिभेसन' योजना सार्वजनिक गरेको छ । डिजिटल भुक्तानीलाई थप विस्तार र प्रोत्साहन गर्न आफ्नो क्युआर कोडमार्फत भुक्तानी लिने मर्चेन्टहरूलाई विभिन्न आकर्षक सुविधा सहित यो योजना सार्वजनिक गरिएको बैंकले जनाएको छ ।

बैंकका अनुसार डिजिटल च्यानलबाट हुने भुक्तानीलाई बढी भन्दा बढी सेवाग्राहीहरू समक्ष पुऱ्याउने हेतुले यो योजना ल्याइएको हो। यो योजना २०८० आषाढ मसान्तसम्म सञ्चालन हुने, र उक्त समयभित्र पहिलोपटक भुक्तानी लिने मर्चेन्टहरू मात्र यस योजनामा समावेश हुने बैंकले जनाएको छ।

बैंकले भनेको छ 'यस योजना अनुसार यति एयरलाइन्सको तर्फबाट एक जोडीलाई माउन्टेन फ्लाइट टिकट, काठमाडौं सुपरमार्केटको तर्फबाट रु. २ हजार बराबरका १० वटा ह्याम्पर, Tricot Industries को तर्फबाट ५-५ हजार बराबरको १०० वटा भौचर, Hard Rock Café को तर्फबाट १० वटा Non-Veg BBQ को भौचर, बिग डिजिटलको तर्फबाट एक - एक थान Rice Cooker, Breakfast Maker तथा Hand Blender र सिजी डिजिटलको तर्फबाट एक-एक थान Mixer Grinder, Induction Cooker तथा Dry Iron को व्यवस्था गरिएको छ । साथै, बैंकले Tranquility Spa को तर्फबाट ५० वटा भौचर, अगेनो सेकुवाको तर्फबाट एक - एक हजारका ४ वटा भौचर, हुकुट स्टोरको तर्फबाट ६ वटा घडी एवं २ वटा इयरबड, कुटुम्ब होटलको तर्फबाट दुई-दुई हजारका ५ वटा भौचर, अपटाउन रेष्टुरेन्टको तर्फबाट १५-१५ सय बराबरको ५ वटा भौचर र स्क्वायर होटलको तर्फबाट दुई-दुई हजारका ३ वटा भौचर प्रदान गर्नेछ । यसरी उपलब्ध फाइदाहरु बैंकले २०० मर्चेन्टहरूलाई निजहरुको कारोबार रकम र कारोबार संख्याका आधारमा छनौट गर्नेछ भने समझदारी प्रदान गरेका कम्पनीहरूले हस्तान्तरण गर्नेछन् । यसै योजना अनुसार यस बैंकले राखेको Fonepay QR कोडमार्फत असार मसान्तसम्ममा पहिलो QR भुक्तानी लिने सम्पूर्ण मर्चेन्टहरूले एक पटक वा पटक पटक गरी रु. २०० भन्दा माथिको भुक्तानी लिँदा कुल रु. १०० क्यासब्याक प्राप्त गर्नुहुनेछ ।'

 बैंकको क्युआर मर्चेन्ट बन्न चाहने व्यवसायी तथा कम्पनीहरूले बैंकको वेबसाइट भित्र एप्लाई नाउ आइकनमा ट्याप गरी उपलब्ध विकल्पहरूमध्ये Be a merchant बाट अनलाईन आवेदन दिन सकिने बैंकले जनाएको छ। 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved