.gif)
प्रभु बैंकमा ०.५ वा सोभन्दा बढी लगानी गर्ने लगानीकर्ताको संख्या १२ रहेको छ । आर्थिक वर्ष २०७९/०८० को वार्षिक प्रतिवेदन अनुसार बैंकमा ०.५ प्रतिशत वा सो भन्दा बढी लगानी गर्ने ६ जना व्यक्ति र ६ वटा संस्था रहेको छ ।
जसमध्ये सबैभन्दा धेरै शेयर स्वामित्व एशियन लाईफ ईन्स्योरेन्सको रहेको छ । एशियन लाईफको प्रभु बैंकमा ८० लाख ३७ हजार ९२२ कित्ता शेयर रहेको छ । एशियन लाईफको शेयर हिस्सा ३.४१ प्रतिशत रहेको छ ।
यसैगरी, गौरभ अग्रवालको २.७१, कर्मचारी संचय कोषको २.५३, प्रभु ग्रुपको १.२१, सुदिप आचार्यको ०.६०, शिभ कुमार श्रेष्ठ र मिजस भट्टचनको समान ०.५८, राजेन्द्र भट्टचन र स्वरुप गुरुङको समान ०.५७ प्रतिशत शेयर स्वामित्व रहेको छ ।
यसैगरी, नेपाल ईन्भेष्टमेन्टको ०.५२, शिभम् शिमेन्टको ०.५१ र सन नेपाल लाईफ ईन्स्योरेन्सको ०.५० प्रतिशत शेयर स्वामित्व रहेको छ ।
