.gif)
राष्ट्रिय वाणिज्य बैंकको प्रमुख कार्यकारी अधिकृत (सीईओ) का लागि ‘सर्टलिस्ट’ भएका पाँच जनाको अन्तरवार्ता आज बुधबार हुँदैछ। सीईओ छनोट उपसमितिको गत आइतबार बसेको बैठकले पाँच जनाको नाम सर्टलिस्ट गरेको थियो ।
बैंकको सीईओ नियुक्ति सिफारिस उपसमितिका अनुसार सर्टलिष्टमा कृष्ण बहादुर अधिकारी,देवेन्द्र रमण खनाल, प्रकाश चन्द्र अधिकारी, विष्णुदेव यादव र शंकर केसी छन् ।यी मध्ये देवेन्द्र रमण खनाल हाल बैंकको कामु सीईओ छन् ।
सीईओका लागि आवेदन दिएकामध्ये सर्टलिस्टमा परेको उनीहरुलाई व्यावसायिक कार्ययोजना प्रस्तुति र अन्तरर्वाताका लागि बोलाइएको हो। उनीहरुले व्यावसायिक कार्ययोजना प्रस्तुति र अन्तरर्वाता दिनेछन्।
अन्तरवार्ताबाट उत्कृष्ट अंक प्राप्त गर्नेमध्येबाट संचालक समितिले एक जनालाई सीईओ नियुक्त गर्नेछ । प्रमुख कार्यकारी अधिकृत किरण कुमार श्रेष्ठको कार्यकाल सकिएपछि हाल उक्त बैंकमा सीईओ पद रिक्त छ ।
यसरी नियुक्त हुने सीईओको कार्यकाल चार वर्षको हुन्छ ।
स्रोतका अनुसार बैंकको सीईओका लागि नेपाल बैंकका पूर्वसीईओसमेत भइसकेका कृष्णबहादुर अधिकारी अब्बल दावेदार छन् । उनलाई सीईओ छनोट समितिले पाँच जनाको सर्ट लिष्टमा पहिलो नम्बरमा राखेको छ । उनीसँग बैंकिङ्ग क्षेत्रमा दुई दशकभन्दा बढी काम गरेको अनुभव छ ।
यसैगरी, अर्का दाबेदारको रुपमा राष्ट्रिय वाणिज्य बैंकको कामु सीईओ देबेन्द्र रमण खनाल पनि हुन् ।उनी चार्टर्ड एकाउन्टेन्ट पनि हुन् । उनले एमबीए पनि गरेका छन् । उनीसँग डेढ दशक बढीको बैंकिङ अनुभव छ ।
यो पनि पढ्नुहोस :
राष्ट्रिय वाणिज्य बैंकको सीईओका लागि ‘सर्टलिस्टेड’ ५ जनाको अन्तरवार्ता आज,को- को छन् दावेदार ?
