माैद्रिक नीतिको समीक्षाकाे तयारीमा राष्ट्र बैंक, माग्यो सरोकारवालासँग सुझाव

बिजपाटी संवाददाता

बिजपाटी संवाददाता

Jun 09, 2024 | 12:42:34 PM मा प्रकाशित

नेपाल राष्ट्र बैंकले आगामी आर्थिक वर्ष २०८१/०८२ को मौद्रिक नीतिको लागि तयारी थालेको छ। आर्थिक वर्ष सकिन लागेसँगै केन्द्रिय बैंकले तयारी थालेको हो।

केन्द्रीय बैंकले आइतबार मौद्रिक नीति तर्जुमाको लागि सरोकारवालाहरुसँग सुझाव माग गरेको छ। उक्त सूचना अनुसार राय सुझाव केन्द्री बैंकको आर्थिक अनुसन्धान विभागमा असार १६ गतेभित्र पेश गर्न सूचित गरिएको छ ।

केन्द्रीय बैंकले आगामी आवको मौद्रिक नीतिमा केही लचिलो नीति लिन पूर्व संकेत  दिएको छ । यसअघिको सार्वजनिक कार्यक्रममा पनि गभर्नर महाप्रसाद अधिकारीले मौद्रिक नीतिमा थप लचकता अपनाइने कुरा बताइसेका छन् ।

अहिले अर्थतन्त्र चलयमान हुन नसकेको अवस्थामा केन्द्रीय बैंक पनि अर्थतन्त्र चलायमान हुने गरी खुकुलो नीति तर्जुमा गर्ने तयारीमा छ। सरकारले यसअघि कित्ताकाट खोले पनि घरजग्गा कारोबारमा उत्साह नदेखिएको, शेयर बजार निरन्तर घटिरहेको, अटो बजारमा अपेक्षित रूपमा सुधार हुन नसकिरहेको बेला केन्द्रीय बैंक पनि लचिलो मौद्रिक नीति ल्याउनु  पर्ने दबाबमा छन् भने सरोकारवाला पनि केहि नीतिगत खुकुलोपन आउने अपेक्षामा छन् ।

राष्ट्र बैंकले १५ साउन १५गते भित्र मौद्रिक नीति ल्याउनेछ ।समष्टिगत आर्थिक स्थायित्व कायम राख्दै आर्थिक क्रियाकलाप विस्तारमा सहयोग पुर्‍याउन देशको केन्द्रीय बैंकले तर्जुमा गर्ने नीति नै मौद्रिक नीति हो ।

मौद्रिक नीतिले मुद्रा प्रदाय, कर्जा र व्याजदरको व्यवस्थापनमार्फत आर्थिक स्थायित्व कायम राख्दै आर्थिक वृद्धि तथा रोजगारी सृजनामा सहयोग पुर्‍याउने उद्देश्य राखेको हुन्छ । मुद्राप्रदाय (मुद्रा आपूर्ति) नियन्त्रण गर्न कुनै पनि देशको केन्द्रीय बैंकले यस्तो नीति तय गर्ने गर्छ । नेपालमा पनि रष्ट्र बैंकले मौद्रिक नीति बनाउँदै आएको छ । 

मूल्यवृद्धि नियन्त्रणमा मौद्रिक नीतिको मूख्य भूमिका रहन्छ । अर्थमन्त्रालयले सार्वजनिक गरेको बजेटले लिएको लक्ष्य पूरा हुने किसिमको राष्ट्र बैंकले मौद्रिक नीति ल्याउँछ । अतः मौद्रिक नीतिको सम्बन्ध बैंक तथा वित्तीय संस्थासँग मात्र नभई देशको अर्थतन्त्रसँग पनि हुन्छ । 



Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved