‘फर्निचर तथाफर्निसिङ एक्स्पो’ फर्नेक्स आगामी असोज ४ गतेदेखि हुने भएको छ । यस अघि भदौ १४ गतेदेखि हुने भनिएको एक्स्पो ‘ बहुक्षेत्रीय प्राविधिक तथा आर्थिक विकासका लागि बंगालको खाडीको प्रयास बिम्स्टेक सम्मेलन’ आयोजना हुने भए पछि सारिएको हो । बिम्स्टेक सम्मेलन भदौ १४ र १५ गते काठमाण्डौंमा हुँदैछ ।
एक्स्पोको आयोजना गरेको फर्निचर तथा फर्निसिङ संघले ९० प्रतिशत स्टल बुकिङ्ग भईसकेको जनाएको छ । एक्स्पोको छैठौं संस्करण फर्नेक्स २०१८ लाई होम डेकोर विशेष बनाइने आयोजकको भनाई छ । नेपालमा उत्पादन भएका फर्निचरका सामानलाई प्रवद्र्धन गर्ने उद्देश्यले सन् २०१२ देखि नियमित एक्स्पो हुँदै आएको छ ।
