नेपाल टेलिकम Nepal Doorsanchar Company Limited ले विश्वव्यापी विकास संस्था भियामोसँगको साझेदारीमा ‘NT सूचनाको संसार’ सेवा उपलब्ध गराएको छ ।
भियामो एक प्रकारको कल–इन सिष्टम हो, जसमा टेलिकमको मोबाइलमार्फत कल गरेर कृषि, स्वास्थ्य, समाचार, मौसम, प्राकृतिक विपत् सम्बन्धी विभिन्न जानकारी निःशुल्क रुपमा लिन सकिन्छ ।
ग्राहकहरुले टेलिकमको मोबाइलमार्फत ३२१०० मा कल गरेर ध्वनी निर्देशन पालना गरी यो सेवा उपभोग गर्न सकिन्छ । सार्वजनिक सेवाका लागि आवश्यक यस सम्बन्धी विभिन्न जानकारीहरु भियामोले विभिन्न विशेषज्ञहरुको सहयोगमा तयार पारेको जनाईएको छ । यसमा नेपाल सरकारका विभिन्न मन्त्रालयका साथै राष्ट्रिय तथा अन्तर्राष्ट्रिय गैरसरकारी संस्थाका विशेषज्ञहरु समेत संलग्न रहेका छन् ।
निकट भविष्यमा सुशासन र आर्थिक साक्षरतालगायतका थप शीर्षकहरु समेत यसमा समावेश गरिने जनाइएको छ । आजबाट सुरु भएको सेवा ६ महिनाको लागि निःशुल्क उपलब्ध गराइएको हुनेछ ।
