स्मार्टफोन ब्राण्ड भिभोले नयाँ स्मार्टफोन नेपाली बजारमा भित्र्याएको छ । कम्पनीले भि२० सिरिज अन्तर्गतको भिभो भि२० एसई नेपाली बजारमा भित्र्याएको हो ।
कम्पनीले युवापुस्ता र फेशनलाई ध्यानमा राख्नेलाई लक्षित गरि भि२० एसई निमार्ण गरिएको जनाएको छ । जसमा क्यामेरा र डिजाईन आर्कषक रहेको कम्पनीले उल्लेख गरेको छ । भि२० एसईमा ३२ एमपी सुपर नाईट सेल्फिक्यामेरा रहेको छ । जसले राती वा अध्याँरोमा पनि स्पष्ट तस्बिर खिच्दछ । यस फोनमा ३३ वाट फ्लाश चार्ज क्षमता रहेको छ ।
भिभो२० एसई ग्रयाभिटी ब्लयाक र अक्सिजन ब्लुमा उपलब्ध रहेको छ । ८ जिबी र्याम र १२८ जीबी रोमले रहेको यस फोनमा ४१०० एमएच व्याट्रि रहेको छ । कम्पनीले यस फोनको बजार मूल्या ३९ हजार ९९९ रुपैयाँ तोकेको छ ।
