म्यारिन इन्जिनियरिङ सोलुसनले नेपालमा छरिएर रहेका साना तथा मझौला व्यवसायीलाई एउटै एन्ड्रोइड एपभित्र समावेश गरी काम गर्ने घोषणा गरे अनुरुप मंसिर १० देखि रजिस्ट्रेशन अफर खुल्ला गरेको छ । ई–घर भनी नामाकरण गरिएको एन्ड्रोइड एप गुगल प्ले स्टोरमा रजिस्ट्रेशन अफरका लागि लञ्च भई सकेको म्यारिन इन्जिनियरिङ सोलुसनका निर्देशकले जानकारी दिएका छन् ।
दुई सयभन्दा बढी विभिन्न किसिमका व्यवसायको जानकारी र सेवा गराउने एपले ५० हजार व्यवसायीहरुलाई एउटै एपभित्र समेट्ने प्रयास गर्नेछ । व्यवसायको किसिम हेरी तीन सयदेखि एक हजारसम्म रजिस्ट्रेशन शुल्क व्यवसायीका लागि तोकिएको छ भने प्रयोगकर्ताले आवश्यक सामग्री, सर्भिस र समस्या अनुरुप आफ्नो लोकेशन वरपरका व्यवसायीसँग सिधा एपमार्फत सम्पर्क गर्न सक्नेछन् ।
रजिस्ट्रेशन अफरमा प्रत्येक क्याटेगोरीका प्रथम दुई रजिस्ट्रेशनलाई गोल्डेन क्लाइन्टले सम्मान र विशेष अफर प्रदान गरिनेछ भने बाँकी तीनलाई सिल्भर क्लाइन्टले सम्मान र विशेष अफर प्रदान गरिनेछ । साथै रजिस्ट्रेशन अफर भरी रजिस्ट्रेशन गर्नेलाई १५ प्रतिशत क्यासब्याक दिने घोषणा पनि जनाइएको छ ।
व्यवसायीले अब नेपालमा विज्ञापनका निम्ति लाखौं खर्च गर्न नपर्ने र व्यवसायीलाई प्रयोगकर्तामाझ सहजै जोड्ने प्रत्तिवद्धता कम्पनीले गरेको छ । व्ययवसायिक मात्र नभई सेवा भावले चलेको जनाउँदै प्रहरी सम्पर्क स्थान, एम्बुलेन्स सेवालगायत सम्पर्क नम्बरविना रजिष्ट्रेशन एपमा उपलब्ध गराउने घोषण पनि कम्पनीको रहेको छ ।
