नेपाल सरकारलाई कोका-कोलाले कोभिड-१९ संकटको सामना गर्न आर्थिक सहयोग गर्ने प्रतिबद्धता जनाएको छ । जसअनुसार नेपाललाई कोका–कोलाले रु २ करोड ४० लाख दिने प्रतिबद्धता व्यक्त गरेको हो ।
कोका–कोलाले खोप अभियानहरुमा समुदायलाई सहयोग गरी सुरक्षा सामग्रीहरु (पीपीइ, मास्क, ग्लोभ, सेनिटाइजरहरु आदि) प्रदान गर्नेछ र खोप तथा स्वच्छता अभ्यासलाई प्रवर्द्धन गर्न देशभरि जागरुकता फैलाउने प्रयास गर्ने जनाएको छ ।
कोभिड १९ को महामारीको रोकथामको समर्थनमा कोका-कोला कम्पनीले विश्वव्यापी रुपमा एक विशेष “स्टप द स्प्रेड” कोषको सिर्जना गरेको छ । यो कोषले खोप वितरण गर्न, कोभिड सुरक्षा किट (पीपीई, मास्क, ग्लोभ, सेनिटाइजर) प्रदान गर्न र खोप र स्यानिटरी प्राक्टिसेजको जागरुकता सिर्जना गरी महामारीको प्रयासलाई नियन्त्रण गर्न सहजीकरण गर्ने बताईएको छ ।