ओपोको नयाँ अपरेटिङ सिस्टम सार्वजनिक, यस्ता छन् विशेषता

बिजपाटी सम्बाददाता

बिजपाटी सम्बाददाता

Oct 11, 2021 | 05:23:06 PM मा प्रकाशित

laxmi bank

ओपोले आफ्ना विश्वभरका प्रयोगकर्ताका लागि आफ्नो नयाँ कलरओएस १२ (अपरेटिङ सिस्टम)  सञ्चालन प्रणालीको आधिकारिक घोषणा गरेको छ । प्रयोकर्तालाई स्टक एण्ड्रोइड १२को जस्तै अभूतपूर्व अनुभव प्रदान गर्ने सोचका साथ कलरओएस १२मा समावेशी यूआई, सटीक परफरमेन्स, दैनिक कार्य सम्पादन क्षमतामा बृद्धिका साथै काम—दैनिकी सन्तुलनमा सघाउने फिचर्सहरु पनि समाहित गरिएको कम्पनीले जनाएको छ।

सार्वजनिक गरिए संगै ओपोले कलरओएस १२ पब्लिक बिटा आफ्ना वैश्विक प्रयोगकर्ताका लागि उपलब्ध गराएको छ । यस संगै ओपो, एण्ड्रोइड १२ प्रयोगमा ल्याउने पहिलो मध्यका ओईएमहरु मध्य एक बनेको छ । पहिलो चरणमा ईन्डोनेसिया, थाईल्यान्ड र मलेसियामा फाइन्ड एक्सथ्री प्रो मार्फत उपलब्ध गराइने यस प्रणालीलाई क्रमबद्धरुपमा अन्य देश तथा क्षेत्रमा आउँदा महिनाहरुमा उपलब्ध गराउँदै लैजाने ओपोको योजना रहेको कम्पनीले उल्लेख गरेको छ ।

कम्पनीले भनेको छ '६८ देशमा आफ्नो उपस्थितीसंगै, ४४० मिलियन प्रयोगकर्ताका जीवनको अभिन्न अंगका रुपमा कलरओएस १२को निर्माण गरिँदा समावेशीतालाई ओपोले विशेष प्राथमिकताको विषयका रुपमा राखेको छ । ओपोको ईन्फाइनाइट डिजाइन कन्सेप्टमा आधारित भई हल्कापन, सफा र परिमार्जनका लागि लचिलोपन लगायत गुण सहितको नयाँ ओएसले अझ समावेशी अनुभव प्रदान गर्नुका साथै यसमा विभिन्न भाषा तथा संस्कृति मैत्री, सरल आईकन्स, एनिमेशन्स र सूचनामूलक फ्रेमवर्कका साथै विभिन्न फोनको फरम्याट्सका अनुसार अनुकूलनीय ढाँचापनि प्रदान गरिएको छ । '

प्रयोगकर्तालाई समान, सहज र निर्वाध अनुभव प्रदान गर्नु आफ्नो आरएण्डडी एण्ड ईन्नोभेशनको प्रमुख उद्देश्य रहँदै ओपोले जनाएको छ । नयाँ कलरओएस १२ले तिनका साथै कम्फर्ट र टीकाउपनमा पनि उत्तिकै महत्व दिएको कम्पनीले उल्लेख गरेको छ । कम्पनीका अनुसार यसमा प्रयोग गरिएको एन्टी फ्राग्मेन्टेशन र इन्टेलिजेन्ट रिसोर्स एलोकेशनले गर्दा यसको सिस्टम एजिंग रेट तीन बर्षमा अत्यन्त न्यून २.७५%, औषत ३०% न्यून मेमोरी अधिभोग र २०% कम ब्याट्री खपत रहेको छ ।

प्रयोगकर्ताको उत्पादकत्वमा बृद्धि दिने सोचका साथ यसमा पीसी कनेक्ट, गूगल लेन्सद्वारा सञ्चारित थ्री–फिंगर ट्रान्सलेट, फ्लेक्सड्रप र फोन म्यानेजर लगायत प्रयोगात्मक फिचरहरु पनि उपलब्ध गरिएको कम्पनीले जनाएको छ ।

आफ्ना प्रयोगकर्ताका प्रतिक्रियाका आधारमा ओपोले कलरओएसमा गोपनियतालाई विशेष प्राथमिकतामा राख्दै आएको र कलरओएस १२मा एण्ड्रोइड १२का प्राइभेसी ड्याशबोर्ड, एप्रोक्सिमेट लोकेशन शेयरिंग र माइक्रोफोन तथा क्यामेरा ईन्डिकेटर्स लगायत सुदृढ सुरक्षा तथा गोपनियता फिचर्सपनि उपलब्ध गरिएको ओप्ले उल्लेख गरेको छ । साथै, ओपो समूहबाट बिकसित प्राइभेट सिष्टम, प्राइभेट सेफ, एप लक लगायत फिचर्सपनि उपलब्ध रहेको कम्पनीले जनाएको छ। कम्पनीका अनुसार प्रयोगकर्ताका डाटा सुरक्षणार्थ सर्भर्स, सञ्चय र प्रसारणका लागि विशेष प्रोटोकलको ब्यवस्थापनि गरिएका छन् ।

 कलरओएसलाई एण्ड्रोइड डेभलपर्स फ्रेण्डली ओएस बनाउनु ओपोको उद्देश्य रहेको जनाएको छ ।  अल्ट्रा स्टिडी भिडियो शुटिंग, एचडीआर, सुपर वाइड–एंगल लगायत ओपोका अग्रणी उत्कृष्ट क्यामेरा क्षमता जस्ता क्यामेरा एसडीकेहरुका साथै ओपोले आफ्ना हाइपरबुस्ट, कलर भिजन ईन्ह्यान्समेन्ट लगायतपनि एण्ड्रोइड ईकोसिष्टमको विकास तथा थप परिस्कृतिकरणका लागि  एण्ड्रोइड विकासकर्ताहरु माझ खुल्ला गरिदिएको छ ।

पहिलो चरणमा ओपोले आफ्नो कलरओएस १२ पब्लिक बेटा ईन्डोनेसिया, थाइल्यान्ड र मेलेसियामा फाइन्ड एक्सथ्री प्रो फाइभजी मार्फत उपलब्ध गराएको छ । यस पश्चात क्रमशः अन्य देश तथा थप उपकरणहरुमा सन् २०२१ र २०२२मा उपलब्ध गराउँदै लैजाने ओपोको योजना रहेको ओपोले जनाएको छ । ११० मोडल्स र १५० मिलियन प्रयोगकर्ताका लागि कलरओएस १२ उपलब्ध गराउने कम्पनीको उद्देश्य रहेको जानकारी दिइएको छ ।

Share Your Thoughts

Recent News

Main News

Close in 7


Bizpati.com © 2020. All Rights Reserved