शेयर बजारमा लगानी गरिरहेको हाथवे इन्भेष्टमेन्टले खाद्य व्यवसायमा पनि हात हालेको छ । हाथवे इन्भेष्टमेन्ट नेपाल लिमिटेड र बिजनेश इन्ट्रेस्ट गुर्प अफ इन्डस्ट्रिज (बिग इन्डस्ट्रिज)ले हाईलाइफ फुड्समा लगानी गरेका हुन् ।
यी ३ संस्थाबीच आज सोमबार लगानी समबन्धि सम्झौता भएको हो । हाथवे र बिग बिग इन्डस्ट्रिजले हाइलाइफ फुड्सको ५० प्रतिशत सेयर स्वामित्व लिएको हो ।
हाथवेका संचालक अम्बिका प्रसाद पौडेलले यस सम्झौता सँगै अब कृषिमा मात्र नभई कृषि उत्पादनलाई प्रशोधन गरी प्रत्येक नेपालीको चुल्हो सम्म स्वास्थ्य र पौष्टिक आहारको रूपमा उपस्थित हुने बताएका छन्। आयात प्रतिस्थान गर्दै कृषि उत्पादनलाई निर्यात गर्ने यो सुरुवाती अभियानमा यहाहरु सबैको साथ र सहयोगको अपेक्षा गरेको पनि उनले उल्लेख गरेका छन् ।
हाइलाइफले हाइलाइफ मार्निंग, हाइलाइफ एसेनसियल्स र हाइलाइफ एलेमेन्ट गरि विभिन्न १८ वटा प्रडक्ट उत्पादन गरिरहेको छ।
