‘आरजु’ ब्राण्डको चामल बजारमा आउने भएको छ । नेपालमै उत्पादन भएको धानबाट उत्पादित आरजु चामल बजारमा आउने भएको हो ।
मोरङमा अवस्थित आरजु राइस मिलबाट यो चामल उत्पादन भएको हो । बुद्ध एयरका मालिक वीरेन्द्रबहादुर बस्नेत सञ्चालक रहेको आरजु राइस मिलले चामल उत्पादन गरेर बजार पठाउन लागेको हो । आरजु बस्नेतकी छोरी हुन् । उनले आफ्नी छोरीको नामबाट राइस मिल सञ्चालनमा ल्याएका थिए ।
‘नेपाली किसानद्वारा उत्पादित एवं प्रर्वद्धित आरजु ब्रान्डको लोकल लङ्ग ग्रेन र जिरा मसिनो चामल अब हाम्रै फ्याक्ट्री आउटलेट काठमाडौं पेप्सीकोलामा उपलब्ध छ,’ आरजु ब्राण्डको चामलले फेसबुकमा लेखेको छ ।