मोबाइल विश्व कग्रेसमा चम्कियो इन्फिनिक्स, सौर्य ऊर्जा र AI प्रविधिले जित्यो पुरस्कार

मोबाइल प्रविधिमा विश्वव्यापी अग्रणी ब्रान्ड Infinix ले Mobile World Congress (MWC) 2025 मा आफ्नो नवीनतम प्रविधिहरू प्रस्तुत गर्दै दर्शकहरूलाई मोहित बनाएको छ। कम्पनीले Solar Energy-Reserving Technology र AI-driven सुविधाहरू मार्फत प्रतिष्ठित पुरस्कारहरू जित्दै दिगो र स्मार्ट मोबाइल समाधानतर्फ आफ्नो प्रतिबद्धता पुनः पुष्टि गरेको छ।

Infinix को कन्सेप्ट स्मार्टफोन मा Perovskite solar cells एकीकृत गरिएको छ, जसले वरपरको प्राकृतिक प्रकाशलाई उपयोग गरी स्मार्टफोन चार्ज गर्न सक्छ। हरित ऊर्जा-आधारित यो प्रविधिले MWC 2025 को Best Phone Concept पुरस्कार जित्दै मोबाइल चार्जिङ प्रविधिमा नयाँ सम्भावना उजागर गरेको छ।

यसैक्रममा, Infinix ले सौर्य चार्जिङ फोन केस सार्वजनिक गरेको छ, जुन प्रोटोटाइप डिभाइसहरूसँग साइड सम्पर्कमार्फत जडान हुने प्रविधिबाट निर्माण गरिएको छ। यस प्रविधिले विद्युत् अभाव भएका स्थानहरूमा तथा बाहिरी यात्राका क्रममा स्मार्टफोन सहज रूपमा चार्ज गर्न सहयोग गर्नेछ।

Infinix ले दोस्रो पुस्ताको E-Color Shift प्रविधि समेत अनावरण गरेको छ, जसमा E Ink पछाडिको प्यानल प्रयोग गरिएको छ। यो प्रविधिले फोनको आन्तरिक ब्याट्रीमार्फत रंग र ढाँचाहरू परिवर्तन गर्न सक्षम बनाउँछ। AI प्रविधिको प्रयोग गर्दै प्रयोगकर्ताहरूले मनपर्ने फोटोहरू वा मौसमअनुसार फोनको लुक परिवर्तन गर्न सक्छन्।

यी नवीन प्रविधिहरूले Infinix को दिगो ऊर्जा समाधान र AI-आधारित स्मार्ट अनुकूलन तर्फको अग्रसरतालाई थप बलियो बनाएको छ। कम्पनीले नवीकरणीय ऊर्जा स्रोतहरू र प्रयोगकर्ता-केंद्रित प्रविधिहरू विकास गर्दै वातावरणमैत्री स्मार्टफोन नवप्रवर्तन गर्न लक्ष्य लिएको छ।

Infinix का पछिल्ला प्रविधिहरू र आगामी योजनाहरूको थप जानकारीका लागि कम्पनीको आधिकारिक वेबसाइट भ्रमण गर्नुहोस्।