यी हुन् इच्छाराज सहित पक्राउ परेका १२ जना, संगठित रुपमा ७० करोड ठगी गरेको आरोप

संगठित रुपमा सहकारी ठगी गरेको आरोपमा व्यवसायी तथा पूर्व सांसद इच्छाराज तामाङ सहित १२ जना पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआइबी)ले तामाङ सहित १२ जनालाई सोमबार साँझ पक्राउ गरेको हो ।

सिभिल सेभिङ एण्ड क्रेडिट को-अपरेटिभ लिमिटेडका निक्षेपकर्ता सदस्यहरुले उक्त संस्थामा बचत तथा मुद्दती खाता खोली जम्मा गरेको रकमको साँवा तथा ब्याज रकम बचत तथा मुद्दती खाताको अवधी पुगीसकेपछी खाताबाट रकम झिक्नको लागि पटक-पटक ताकेता गर्दा पनि फिर्ता नपाएकोले प्रहरीमा उजुरी गरेका थिए । उनीहरुले आफ्नो निक्षेप जोखिममा रहेको ठानी सम्बन्धीत संस्थाका कर्मचारी तथा पदाधिकारीहरुलाई लामो समय देखि पटक पटक ध्यानाकर्षण गराउँदा समेत नियमानुसार पाउनु पर्ने निक्षेप तथा सोको ब्याज रकम उपलब्ध गराईदिने तर्फ आवश्यक पहल नगरेकोले प्रहरीमा उजुरी दिएका थिए ।

उक्त को-अपरेटिभ लिमिटेडमा रहेका सर्वसाधारणको बचतको ठुलो हिस्सा सहकारी ऐन, २०७४ र सहकारी नियमावली, २०७५ को प्राबधान विपरित एकै ब्यक्ति संस्थापक रहेको बिभिन्न परियोजनाहरुमा लगानी गरेको देखिएको प्रहरीले जनाएको छ । त्यस्तै उक्त लगानीबाट प्राप्त लाभ चरम बेथितिका कारण संस्थाले प्राप्त गर्न नसकी उक्त को-अपरेटिभ लि. जोखिममा रही सहकारी संस्थाबाट कर्जा लगानी भई सम्पन्न गरिएका बिभिन्न परियोजनाहरुबाट निर्माण गरिएका संरचनाहरु बिक्री गर्दा प्राप्त रकम सहकारी संस्थामा नबुझाई विदेशी मुलुकमा समेत लगि सम्पत्ति शुद्दिकरणको कसुर गरेको हुनसक्ने प्रहरीको अनुमान छ ।

वचतकर्ताहरुको निक्षेप समेत जोखिममा परेको तथा आफ्नो जिवनभरको सानो-सानो बचतबाट संकलित पुँजी दैनिक उपभोग्य तथा स्वास्थ्य उपचार लगायतका अत्यावश्यक काममा प्रयोग गर्नबाट वञ्चित हुनुपरेको कारण बिभिन्न १३७ जना पिडित वचतकर्ताहरुले उक्त को-अपरेटिभको बचत तथा मुद्दती खातामा रहेको कुल ७०,८७,१३,८२१/३२ (सतरी करोड सतासी लाख तेह्र हजार आठ सय एकाइस रुपैया बत्तीस पैसा) रकम संगठित रुपमा सहकारी ठगी गरेको आरोपमा १२ जनालाई पक्राउ गरि कानूनी कारवाही भईरहेको प्रहरीले जनाएको छ ।

प्रहरीले अन्य निक्षेपकर्ता तथा सर्वसाधरणहरुले उक्त को-अपरेटिभबाट निक्षेप तथा ब्याज रकम नपाएको भए कानून बमोजिम आवश्यक थप कारवाहीको लागि समेत ब्यूरोमा सम्पर्क गर्न आग्रह गरेको छ ।

पक्राउ भएका व्यक्तिहरुको विवरण :

१. नाम थर:- इच्छाराज तामाङ

वतन :- जिल्ला काठमाण्डौं, किर्तिपुर ट्याङलाफाँट

वर्ष:- ५७

पद:- सिभिल सेभिङ एण्ड क्रेडिट को-अपरेटिभ लिमिटेडका पुर्व अध्यक्ष, पूर्व सभासद एवं सिभिल बैंकको अध्यक्ष

२. नाम थर:- केशवलाल श्रेष्ठ

वतन :- का.जि. का.म.न.पा.१६

वर्ष:- ६२

पद:- संचालक समितिको अध्यक्ष

३. नाम थर:- भगवान बहादुर सिंह

वतन :- का.जि.का.म.न.पा.१२

वर्ष:- ६२