कामना सेवा विकास बैंकको प्रमुख कार्यकारी अधिकृत (सीईओ)मा दिनेश थकाली नियुक्त भएका छन् । बैंकको वैशाख १३ गते साँझ बसेको संचालक समितिको बैठकले थकालीलाई प्रमुख कार्यकारी अधिकृत नियुक्त गरेको हो ।
बैंकका अनुसार उनलाई ४ वर्षको लागि सीइओ नियुक्त गरिएको हो । उनको कार्यकाल आगामी जेठ १४ गतेदेखि सुरु हुने छ ।
चार्टर्ड एकाउण्टेण्टसमेत रहेका थकालीसँग सांग्रिला डेभलपमेन्ट बैंकको प्रमुख कार्यकारी अधिकृत भएर काम गरेको अनुभव छ । उनले प्रभु क्यापिटलको प्रवन्ध निर्देशक पदमा रहेर पनि काम गरेका छन् । प्रभु क्यापिटलमा काम गरेपछि उनी प्रभु बैंकमा गएका थिए । प्रभु बैंकमा उनी चिफ बिजनेश अफिसर थिए ।