प्रभु Prabhu Bank Limited ले निष्काशन गरेको ऋणपत्रमा आवेदन दिने आज कार्तिक २७ गते अन्तिम दिन रहेको छ । बैंकले कार्तिक २१ गतेदेखि १ अर्ब बराबरको १० लाख कित्ता ऋणपत्र निष्काशन गरेको हो । जस मध्ये ४ लाख कित्ता सर्वसाधारणको लागि र बाँकि र ६ लाख कित्ता प्राइभेट प्लेसमेन्ट मार्फत बिक्रि गरिने बैंकले जनाएको छ ।
सर्वसाधारणलाई बिक्रि गरिने ४ लाख कित्ता मध्ये २० हजार कित्ता सामुहिक लगानी कोषलाई बिक्रि गर्नको लागि छुट्याईएको छ । आवेदन दिंदा न्युनतम २५ कित्ता र अधिकतम ४ लाख कित्ताको लागि आवेदन दिन सकिने छ ।
' प्रभु बैंक डिबेन्चर २०८६' दिइएको १० बर्षे अवधिको यस ऋणपत्रमा १०.२५ प्रतिशत ब्याज पाइने छ । बैंकले ऋणपत्र निष्काशन गर्नको लागि सनराइज क्यापिटललाई बिक्रि प्रबन्धक नियुक्त गरेको छ ।
