नविल बैंक लिमिटेड Nabil Bank Limited ले चैत २ गतेदेखि ऋणपत्र निष्काशन गर्ने भएको छ । कम्पनीले १० प्रतिशत व्याजदरमा सात वर्षे अवधिको ऋणपत्र विक्री खुला गर्न लागेको हो ।
बैंकले प्रतिकित्ता १ हजारमा २० लाख कित्ता ऋणपत्र निष्कासन गर्न लागेको हो । बैंकले सो मध्ये १२ लाख कित्ता व्यक्तिगत तवरमा र ८ लाख कित्ता (४० हजार सामुहिक लगानी कोषलाई बाँडफाट गरीएको ) सर्वसाधारणलाई चैत ५ गतेसम्म निष्कासन गर्ने छ । आवेदकहरुले ऋणपत्रमा न्युनतम २५ कित्ता र अधिकतममा सम्पूर्ण कित्ताको लागि आवेदन दिन सक्नेछन् ।
बैंकले ऋणपत्र छिटो अवधीसम्म विक्री नभएमा ढिलोमा चैत १६ गतेसम्म विक्री खुला गर्नेछ । बैंकको ऋणपत्रको विक्री प्रबन्धक लक्ष्मी क्यापिटल मार्केट लिमिटेड रहेको छ ।
ऋणपत्रलाई इक्रा नेपाले इक्रा एल एए माइनस दिएको छ । यसले न्युन क्रेडिट जोखिम भएको पनि जनाउछ। बैंकको ऋणपत्र आश्वा सदस्य भएका बैंक तथा वित्तीय संस्थाबाट आवेदन दिन सकिन्छ । बैंकको चुक्ता पुँजी ९ अर्व १ करोड १८ लाख छ ।
