प्रभु बैंक Prabhu Bank Limited ले डिबेञ्चर निष्काशन तथा बिक्री प्रबन्धकका लागि मेगा क्यापिटल मार्केट्सलाई नियुक्त गरेको छ । बैंकले एक हजार रुपैयाँ अंकित दरको १० वर्षको भुक्तानी अवधिकालागि जारी गर्न लागेको “प्रभु बैंक डिबेञ्चर-२०८७” निष्काशन गर्न सो कम्पनीलाई नियुक्त गरेको हो ।
यसै सम्बन्धमा बिहीबार बैंक र कम्पनीबीच सम्झौता भएको छ । सम्झौतामा बैंकका सम्झौतामा बैंकका तर्फबाट प्रमुख कार्यकारी अधिकृत अशोक शेरचन र कम्पनीका तर्फबाट प्रमुख कार्यकारी अधिकृत सुदयकान्त झाले हस्ताक्षर गरेका हुन् ।
बैंकले वार्षिक ८.५ प्रतिशतका दरले प्रत्येक तीन तीन महिनामा ब्याज भुक्तानी हुने गरी ४ अर्ब बराबरको “प्रभु बैंक डिबेञ्चर-२०८७” नामक ऋणपत्र सार्वजनिक निष्काशन गर्न लागेको जनाएको छ । २ अर्ब ४० करोड रुपैयाँ बराबरको ऋणपत्र व्यक्तिगत तबरबाट र १ अर्व ६० करोड बराबरको ऋणपत्र सर्वसाधारणमा निष्काशन गर्न लागेको हो ।
