.gif)
सहारा विकास बैंकले साधारणसभा आह्वान गरेको छ कम्पनीले भदौ १२ गते शनिवार आर्थिक वर्ष ७४/७५. ७५/७६, र ७६/७७ को साधारणसभा आह्वान गरेको हो । साधारणसभा सर्लाहीको मलंगवा स्थित होटेल कुसुम एण्ड पार्टी प्यालेसमा हुने छ ।
सभामा उल्लेखित आर्थिक वर्षहरुको वार्षिक प्रतिवेदन पारित गर्ने, वित्तीय विवरणहरु पारित गर्ने, आर्थिक वर्ष ७७/७८ को लागि लेखापरिक्षक तोकी निजको पारिश्रमिक तय गर्ने, र संस्थापकको तर्फबाट ३ जना र सर्वसाधारणको तर्फबाट ३ जना गरि कुल ६ जना संचालक चयन गर्ने साधारण प्रस्ताव पेश हुने छ ।
त्यस्तै विशेष प्रस्ताव अन्तर्गत गरिमा विकास बैंकमा गाभिने प्रस्ताव पारित गर्ने, गाभ्ने गाभिने प्रयोजनको लागि डिडिए रिपोर्ट र स्वाप रेसियो पारित गर्ने, गाभ्ने गाभिने प्रयोजनको लागि यस अघि भए गरेका सबै काम कारवाही तथा सम्झौताहरु अनुमोदन गर्ने, एकिकृत कारोबार सुरु भएपछि संचालकको बाँकि कार्यकाल स्वत समाप्त गर्ने, नियमावली र प्रबन्धपत्रमा आवश्यक संशोधन गर्ने र थप संशोधनको लागि नियामक निकायबाट निर्देशन भएमा सो को अख्तियारी संचालक समितिलाई दिने लगायतका विशेष प्रस्ताव साधारणसभामा पेश हुने छ ।
सहारा विकास बैंक १:१ को स्वाप अनुपातमा गरिमा विकास बैंकमा गाभिने लागेको हो । अर्थात् हाल सहारा विकास बैंकको १०० कित्ता शेयर हुने शेयरधनीले एकिकृत कारोबारपछि गरिमाको पनि १०० कित्ता शेयर नै पाउने छन् ।
कम्पनीको शेयर कारोबार २०७४ जेठ २६ देखि रोक्का रहेको छ । सो समय देखि कायम शेयरधनीले साधारणसभामा भाग लिन सक्ने छन्
