महालक्ष्मी विकास बैंक Mahalaxmi Bikas Bank Limited कोे महेन्द्रनगर शाखाले निःशुल्क स्वास्थ्य शिविर संचालन गरेको छ ।
महाकाली जनज्योती आधारभुत विद्यालयको प्राङ्गणमा आयोजित निःशुल्क स्वास्थ्य शिविरमा स्थानीय २ सय ५० जनाको निःशुल्क स्वास्थ्य परिक्षण र औषधी समेत प्रदान गरिएको बैंकको महेन्द्रनगर शाखाका प्रमुख पहलमान ठकुल्लाले बताए ।
महालक्ष्मी विकास बैंकले प्रत्येक वर्ष समाजिक उत्तरदायित्व अन्तर्गत निःशुल्क स्वास्थ्य शिविर सञ्चालन गर्दै आएको र सोहि अनुसार भीमदत्त–११ भुजेलामा निःशुल्क स्वास्थ्य शिविर सञ्चालन गरिएको हो । उक्त शिविरमा महाकाली प्रादेशिक अस्पतालका डा. गोविन्द रोकाया लगाएत १० जना स्वास्थ्यकर्मीको टोली रहेको थियो ।
बैंकले निःशुल्क स्वास्थ्य चेकजाँच र औषधी प्रदान गरेकोमा स्थाीयले खुशी व्यक्त गरेका छन् ।
बैंकले हाल १०३ वटा शाखाहरु मार्फत सेवा दिँदै आएको छ ।