महाशिवरात्रीको अवसरमा कामना सेवा विकास बैंकले पशुपतिमा पुगेका भक्तजनहरुलाई पिउने पानी र जुस वितरण गरेको छ । बैंकले पशुपति मन्दिर परिसर र चाबहिलमा शुद्ध पिउने पानी तथा जुस वितरण गरेको हो ।
यसै गरी काठमाडौं–३०, ज्ञानेश्वरस्थित आनन्द भैरव मन्दिर लगायत देशका विभिन्न स्थानहरुमा समेत पानी र जुस वितरण गरिएको बैंकले जनाएको छ । यसका लागि बैंकका कर्मचारीहरु बिहानैबाट खटिएका थिए ।
बढ्दो गर्मी र भिडभाडमा सहज रुपमा शुद्ध पिउने पानी उपलब्ध हुन नसक्ने हुंदा भक्तजनहरुलाई सहज रुपमा पानी तथा जुस उपलब्ध गराउन सकियोस् भन्ने उद्देश्यका साथ यस प्रकारको सेवा प्रदान गरिएको र आगामी वर्षहरुमा समेत यस पवित्र कार्यलाई निरन्तरता दिने बैंकका प्रमुख कार्यकारी अधिकृत प्रविण बस्नेतले बताए ।
