आर्थिक वर्ष ७८/७९ मा गरिमा विकास बैंकको खुद नाफा २६.३५ प्रतिशतले बढेको छ । आर्थिक वर्ष ७७/७८ मा बैंकको खुद नाफा ८३ करोड ६३ लाख रहेकोमा आर्थिक वर्ष ७८/७९ मा बैंकको खुद नाफा बढेर १ अर्ब ५ करोड पुगेको हो।
यस अवधिमा बैंकको वितरणयोग्य मुनाफा ७५ करोड २ लाख रहेको छ । समिक्षा अवधिमा बैंकको खुद ब्याज आम्दानी ३१.६७ प्रतिशतले बढेर २ अर्ब ६१ करोड रहेको छ । बैंकको निक्षेप् ७.०५ प्रतिशतले बढेर ६८ अर्ब ४१ करोड पुगेको छ भने कर्जा प्रवाह १२.८४ प्रतिशतले बढेर ५८ अर्ब ३२ करोड पुगेको छ । बैंकको खराब कर्जा ०.७२ प्रतिशतबाट बढेर ०.८५ प्रतिशत पुगेको छ ।
४ अर्ब ५७ करोड चुक्ता पुंजी रहेको बैंकको रिजर्भमा २ अर्ब ४ करोड रहेको छ । यस अवधिमा बैंकको प्रति शेयर आम्दानी २३ रुपैयाँ ७ पैसा तथा प्रति शेयर नेट वर्थ १४४ रुपैयाँ ५७ पैसा रहेको छ ।
