महालक्ष्मी विकास बैंकले विभिन्न कार्यक्रम गरि ३० औं वार्षिकोत्सव मनाएको छ ।
उक्त अवसरमा कम्पनीले वित्तीय साक्षरतार्याली तथा विभिन्न आठ वटा शाखा कार्यालयमा रक्तदान कार्यक्रम आयोजना गरेको छ । कम्पनीले रक्तदान कार्यक्रम सम्पन्न गरी कुल २९५ पिन्ट रगत संकलन गरेको छ।
स्वास्थ्य क्षेत्रमा चुनौतीको रुपमा रहेको रगत व्यवस्थापनमा सहजता होस् भन्ने उद्धेष्यले कम्पनीले रक्तदान कार्यक्रम सञ्चालन गरेको बताएको छ ।
सोही अवसरमा स्वास्थ्य तथा आँखा शिविर, महालक्ष्मी कर्पोरेट क्रिक्रेट लिग – २०२४, श्रृङखला ३ लगायत विभिन्न कार्यक्रमहरु गरी ३० औँ वार्षिकोत्सव सम्पन्न गरिएको छ ।
वार्षिकोत्सवको अवसरमा केन्द्रीय कार्यालय, प्रादेशिक कार्यालयहरु तथा शाखा कार्यालयका कर्मचारीहरुको सहभागितामा वित्तीय साक्षरता सहितको प्रभातफेरी कार्यक्रम आयोजना गरिएको छ । प्रभातफेरीमा बैंकिङ्ग सेवाहरुः जस्तै मोवाईल बैंकिङ्ग, स्मार्ट क्युआर, निक्षेप, कर्जा, विप्रेषण आदिसँग सम्बन्धित प्लेकार्डहरुको प्रयोग गरिएको थियो ।
कम्पनीले केन्द्रीय, प्रादेशिक तथा शाखा कार्यालयहरु मार्फत देशको भौगोलिक र सांस्कृतिक अवस्थाको उजागर गर्न कर्मचारीहरुलाई स्थानिय भेषभूषामा बैंकमा उपस्थित गराएर साँस्कृतिक कार्यक्रमसमेत सम्पन्न गरेको छ ।
त्यसैगरि,कम्पनीले केन्द्रीय कार्यालय दरबारमार्गमा जेठ ८ गते स्वास्थ्य शिविर र जेठ ९ गते आँखा शिविर सञ्चालन गर्ने योजना रहेको भन्दै कम्पनीले महालक्ष्मी कर्पोरेट क्रिक्रेटको तेस्रो श्रृङखला आगामी जेठ २२, २३ र २४ गते सञ्चालन गर्ने योजना रहेको जानकारी दिएको छ ।
कम्पनीको देशभर १०३ वटा शाखा कार्यालयहरु र ७ लाखभन्दा बढी ग्राहकहरु छन् ।
.gif)
.gif)
