.gif)
माछापुच्छ्रे बैंकले सुदूरपश्चिम प्रदेशको कैलाली जिल्लामा अवस्थित नवदुर्गा माध्यमिक विद्यालयमा खानेपानीको पूर्वाधार निर्माण गरी विद्यालयलाई हस्तान्तरण गरेको छ । कम्पनीले आफ्नो संस्थागत सामाजिक उत्तरदायित्व अन्तर्गत उक्त सहयोग गरेको हो ।
शुक्रबार औपचारिक कार्यक्रमका बीच कम्पनीले निर्माण गरेको पूर्वाधारहरु विद्यालय व्यवस्थापन समिति एंव विद्यालय प्रशासनलाई हस्तान्तरण गरेको हो ।
विद्यालय सञ्चालनका लागि अति आवश्यक पर्ने खानेपानीको असुविधाका कारण पठनपाठनमा समेत समस्या भएको भन्ने जानकारी पाएपश्चात कम्पनीले उक्त विद्यालयको अवस्था अवलोकन गरी उक्त पूर्वाधारहरु निर्माण गरेको बताएको छ ।
कम्पनीले आफ्नो संस्थागत सामाजिक उत्तरदायित्वअन्तर्गत देशका विभिन्न स्थानहरुमा विभिन्न संघ–संस्थाहरुसँग मिलेर स्वास्थ्य, शिक्षा, पूर्वाधार निर्माण, वित्तीय साक्षरता,दिगो विकास लगायतका क्षेत्रहरुमा काम गर्दै आएको उल्लेख गरेको छ ।
