सिद्धार्थ इन्स्योरेन्सले लाभांश घोषणा गरेको छ । कम्पनीको बैशाख ३० गते बसेको संचालक समितिको बैठकले लगानीकर्तालाई आर्थिक बर्ष ७४/७५ को मुनाफाबाट १५.४८ प्रतिशत बोनस शेयर वितरण गर्ने प्रस्ताव गरेको हो ।
बैठकले हाल कायम चुक्ता पुंजीको १५.४८४३३ प्रतिशतले हुन् आउने १३ करोड ४० लाख ८१ हजार ६ सय ५० रुपैयाँ बराबरको बोनस शेयर वितरण गर्ने प्रस्ताव गरेको हो । बोनसमा लाग्ने कर भने लगानीकर्ताले नै बेहोर्नु पर्ने भएको छ ।
कम्पनीको उक्त प्रस्ताव बिमा समितिले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुनेछ । हाल कम्पनीको चुक्ता पुंजी ८६ करोड ५९ लाख रहेको छ ।