चिलिमे जलविद्युत कम्पनी Chilime Hydro power Company Limited ले लाभांश घोषणा गरेको छ । कम्पनीको सोमबार बसेको संचालक समितिको बैठकले लाभांश प्रस्ताव गरेको हो ।
जस अनुसार कम्पनीले २० प्रतिशत बोनस शेयर र ५ प्रतिशत नगद लाभांश वितरण गर्ने प्रस्ताव गरेको छ । आगामी साधारणसभाले पारित गरेपछि उक्त लाभांश लगानीकर्तामा वितरण हुने छ । कम्पनीले मंगसिर ११ गते साधारणसभा डाकेको छ । साधारणसभा प्रयोजनको लागि कम्पनीले कार्तिक २७ गतेदेखि बुक क्लोज गर्ने निर्णय गरेको छ । कार्तिक २६ गतेसम्म कायम शेयरधनीले मात्र साधारणसभामा भाग लिन र उक्त लाभांश पाउन सक्ने छन् ।
हाल कम्पनीको चुक्ता ४ अर्ब ७५ करोड ८१ लाख रहेको छ ।