नेपाल उद्योग वाणिज्य संघकी
निवर्तमान अध्यक्ष भवानी राणाले आज ल्याइएको मौद्रिक नीतिले बजारमा अझै तरलताको
चाप पर्ने र ब्याजदर बढ्ने टिप्पणी गरेकी छन् ।
राष्ट्रबैंकका गभर्नर
महाप्रसाद अधिकारीले आज सार्वजनिक गरेको मौद्रिक नीतिमाथि टिप्पणी गर्दै उनले सीआरआर
३ प्रतिशत बाट ४ प्रतिशत हुँदा समग्र बैंकिङ प्रणालीबाट करीब ५० अर्ब ऋण दिने
क्षमता कम हुने र बजारमा तरलताको चाप पर्ने बताएकी हुन् ।
घरजग्गा धितो कर्जामा
गरिएको हेरफेरले रियल स्टेटमा असर पर्ने उनको भनाइ छ । 'घर जग्गा धितो कर्जा काठमाडौ उपत्यकामा बजार मूल्यको ४० प्रतिशतबाट तीस प्रतिशत र उपत्यका बाहिर ५० प्रतिशतबाट ४० प्रतिशत पुर्याईएको छ । जसले
गर्दा रियल स्टेटमा असर गर्ने देखिन्छ,' उनले भनिन् ।
यससँगै १२ दशमलव ६ प्रतिशत
ऋणको वृद्धिदरको लक्षाले ऋणमा सकुचन ल्याउन सक्ने उनको भनाइ छ ।
उनले आज आएको नीतिले शेयर बजारमा कुनै तात्विक अन्तर नहुने बताइन् । '१२ करोडको सीमा कायमै हुँदा पनि तरलताको अभाव ले शेयर
बजार मा नकारात्मक असर पर्न सक्ने मेरो बुझाइ छ,' उनले
भनिन् ।
राष्ट्र बैंकबाट बैंकहरुले लिने ऋण ७ प्रतिशतबाट ८.५ प्रतिशत पुर्याउने नीतिले बेस रेटमा असर पर्न गई ब्याजदर केही मात्रा बढ्ने उनको भनाइ छ ।
