अर्थमन्त्री डा. युवराज खतिवडाले आज सोमबार सबै वाणिज्य बैंकका प्रमुख कार्यकारी अधिकृतलाई छलफलमा लागि बोलाएका छन् । अर्थमन्त्री डा. खतिवडाले आज ११ः३० बजे बैंकरसँग छलफल गर्न मन्त्रालयमै बोलाएका हुन् । छलफलमा २७ वटै वाणिज्य बैंकका सिइओहरु र राष्ट्र बैंकका अधिकारीहरु सहभागी हुनेछन् ।
अर्थमन्त्री खतिवडाले यसअघि पनि गत माघ ६ गते बैंकरसँग छलफल गरेका थिए । एक बैंकका प्रमुख कार्यकारी अधिकृत (सिइओ)ले भने गत महिनाकै छलफलको निरन्तरता हुनसक्ने बताएका छन् ।