खाने तेलको मूल्य लिटरमा १० देखि २० रुपैयाँसम्म बढेको छ । सनफ्लावर तेल एक कार्टुनको मूल्य चैत १० गतेसम्म १ हजार ४५० रुपैयाँ थियो । ग्राहकले एक लिटरको १५० रुपैयाँमा पाउँथे । तर अहिले उही परिणामको तेलको मूल्य १७० रुपैयाँ प्रतिलिटर पुगेको छ ।
तोरी र सोयाबिनको तेलको मूल्य पनि बढेको छ । लकडाउन सुरु हुनुअघि एक सय ४५ रुपैयाँ लिटरमा पाइने तेलको होलसेल मूल्य अहिले एक सय ६० रुपैयाँ छ । प्रतिलिटर २१० रुपैयाँमा पाइने तोरीका तेलको अहिले होलसेल मूल्य नै २२५ रुपैयाँ पुगेको छ ।
उद्योगहरूले भने ढुवानी खर्च बढ्दा मूल्य बढाउनु परेको दाबी गरेका छन् ।