अख्तियारको क्षेत्राधिकार बढाएर नीजि क्षेत्रको नियमनसमेत गर्ने जिम्मा दिने विषयमा प्रधानमन्त्री केपी शर्मा ओलीले आफ्नो धारणा राखेका छन् । नेपाल उद्योग परिसंघको साधारणसभामा सम्बोधन गर्दै प्रधानमन्त्रीले नीजि क्षेत्रको नियमन गर्ने निकाय धेरै भएकाले अख्तियारको क्षेत्राधिकार बढाउनेबारेको विधेयक सरकारले तत्काल अघि नबढाउने बताएका हुन् ।
‘नियमनकारी निकाय धेरै छन्’ उनले भने, ‘अख्तियारले नै नियमन गर्नुपर्छ भन्ने छैन । तत्कालका लागि यो विधेयक अघि बढ्दैन भनेर मैले भनिसकेको छु ।’